CHOMALIL TZIJ UTZ'IB'AM MA WAN NAS

Chajinel k'el

Alab’om chixwalijoq, jo pa chajin k’el

Jo’, jo’, jo’ pa chajin tz’ikin

Alab’om, alab’om  saq chik

Kerech’aw chik i k’el

Alab’om, altom jo pa chajin k’el

Chqak’ama b’i qateb’

Chqak’ama b’i qak’aqb’al ab’aj

Chqak’ama b’i qab’aj…

Jo’ kojsik’inik

I nimaq taq pek

Kkila’ uwach qasik’

Keqila i relik li ij

Kreprat puwi i  janima

Alab’om chixib'ij a pich’ pich’

Chixib’ij a tz’unun

Chixib’ij ati ixpumuy

Chixib’ij a t’orowos

Alab’om, altom jo pa taq pek

Kqoqtaj qib’, kquwaj qib’

Te’uri kqa’an pich’ qatz’ib’

Man yoj kqaj kqanawsaj qib’.

Alab’om, altom yin kin-ek

Weta’am taj ipa

Weta’am taj we kintzalij chaloq

Xwiri i chajin k’el ksach ti chink’ux…

Xinb’ij che

Xinb’ij che: moqxa krix ak’ux chwe

Xub’ij: !krix taj!

Wo’or xwil uwach, uchapom che u’ab’ jun chik

K’inch'ob’ taq yin keje ile xub’ij che,  pacha xub'ij chwe yin

Kinsaqij chiwe,   

Chi ko’on panoq

Pacha i tzij chi xintz’ibaj kan yin

Keje ile kulap tan chik ire chiwe

Xwiri ire, xa kulap chiwe

Man kuriq ti tz’ib’anik  pacha yin…

       Chuch

Chuch qus katwilo

Qus kwil atzunb’al

Are katwil pa k’eb’al

Rumali k’ax katinna’o

Are kqataqej qib’

Mi yet xaq mi yin kquwaj uwach

Chi kqaj qib’

Chuch chatpetoq

In o chi awekem

At woy-em

Ixoq chatpetoq

Kok’il kamatz awib’

Man yin at woy-em.

K-on ponoq we

Xinsach chak’ux

Matok il

Man iri chi xintz'ib’aj

Utukel ksachik.

I xtz'ib'aw iri are i tijonel ma Wan Nas.