T'IS RE KIPOT AJ K'UB'UL, Utz'ib'am ma Nar Chom Reyex

ARE  T'IS  IRI  RE  KIPOT  AJ  K'UB'UL  WINAQ

 

I t'is le lik are ukotz'ijal kich'ob'onik i qatit qamam aj K'ub'ul winaq, chi lik uchapom rib' ru' ukotz'ijal uwach i jyub' ta'aj. Xwi ta la ile, man i jujun t'is le o kuk'exwachij usuk' xaq rachi'il kik'aslemal chwach lo'laj ij saq.

I t'os are kuk'exwachij ronojel ni'pa ija re jalajuj taq es, che', tikon xaq rijayil i lok'anij re achi xaq re ixoq.

I ik' are kuk'exwachij i ik' chi o chwa kaj are xa ch'aqap onom.

I yok are kuk'exwachij ib'och' chi o pqach'akul ub'inb'al qakik'el xaq urep i ray xetaq kaj are kjuch'lajik.

I sampol are kuk'exwachij i jalajuj taq kotz'ij chwach i jyub' ta'aj, we kaq are kuk'exwachij i ij chi ktzun pa'ij.

I raxk'am are kuk'exwachij raqan i kina' chi kel b'i rij taq ab'ix.

I uxaq che' are kuk'exwachij jalajuj taq uche'lal echa' xaq i to' che' chi lik rajwaxik puk'aslemal i lok'anij.

I saqnoy are kuk'exwachij i kar aj pa ya xaq konojel ni'pa i chikop chwach i jyub' ta'aj.

Are jub'i' ile xintz'ib'aj chiwe chrij i t'is re kipot aj K'ub'ul winaq. K'ate kojlapan tan chik jub'i'.